Ministri i Arsimit i Serbisë, Branko Ruzhiç ka dorëzuar sot dorëheqjen e tij të parevokueshme kryeministres serbe Ana Brnabiç duke u shprehur se ky “është një akt personal, por edhe politik. Në shoqëritë e zhvilluara demokratike është shenjë fuqie dhe në rajonin tonë shumë shpesh shenjë dobësie”.
Në letrën që i dërgoi kryeministres serbe, Ruzhiç ka shkruar se “u shpreh ngushëllimet më të thella të dashurve të viktimave në dhimbjen e papërshkrueshme”.
“Pamjet dramatike të ngjarjeve nga shkolla, lotët e derdhur kur u shpreh ngushëllimet prindërve të pangushëllueshëm të fëmijëve të lënduar do t’i mbaj si vulë në shpirtin tim për gjithë jetën time”, – shkruan Ruzhiç në letrën e dorëheqjes, të cilën ministri i arsimit e ka publikuar në llogarinë e tij në Twitter.
🇷🇸 @socijalisti pic.twitter.com/LiWKLTnj83
— Branko Ružić (@brankoruzicsps) May 7, 2023
Në Serbi, për 2 ditë u vranë 17 persona nga dy sulme me armë zjarri brenda shkollave. Njërën e kreu një 13-vjeçar, tjetrën një adoleshent, 17 vjeç. Ngjarjet kanë shkaktuar terror në Serbi, ndërsa vendi shpalli zi kombëtare për disa ditë në nder të viktimave. ©LAPSI.al