Kolegji i Garancisë Sportive në Coni anuloi dhe referoi në Gjykatën Federale të Apelit të FIGC një kompozim tjetër për riformulimin e sanksioneve ndaj Juventus dhe ish-drejtuesve të tij. E kështu, çështja e fitimeve kapitale ka riaktivizuar sërish Codacons. Avokatët mbrojtës të Codacons dhe Shoqatës Club Napoli Maradona, janë rikthyer me pretendimin e tyre. Me një deklaratë zyrtare ata kërkojnë që titulli 2019 t’i jepet Napolit, nënkampion i Italisë në atë sezon.
“Ky vendim konfirmoi plotësisht kuadrin strukturor të vendimit të Gjykatës Federale të Apelit. E gjitha me referimin për sjelljen e të katër drejtuesve me kompetenca përfaqësimi të Juventus – thuhet në njoftimin për shtyp –. Ata konstatuan përfundimisht jo vetëm faktin se Juventus, nëpërmjet përfaqësuesve të tij ligjorë, ka manipuluar sistemin e fitimeve kapitale në mënyrë të paracaktuar dhe të strukturuar. Por me këtë sistem Juventus ka ndryshuar rregullsinë e kampionatit 2018-2019 (siç tregohet në këtë vendim në faqet 33 dhe 35)”.
Lexo më tej: Video/ Pasillo de honor, sfilatë e lojtarëve e fishekzjarre: ja çfarë ndodhi në festën e Napolit në Maradona
Pasi është konstatuar ndryshimi, kërkesa e avokatëve të Codacons është rrjedhimore: “Konfirmimi i ndryshimit të kampionatit 2018-2019, një parakusht themelor për kërkesën për anulimin e titullit 2019 dhe caktimin e tij te Napoli (u rendit i dyti). Tashmë është e sigurt edhe e drejta për tifozët, përdoruesve të vërtetë dhe të vetëm të shërbimit sport/argëtues futbollistik, për të kërkuar dëmshpërblim”.