Një 68-vjeçar është përplasur nga një makinë në Berat. Ai ka mbetur i plagosur pasi një makinë e përplasi teksa kalonte me biçikletë në vijat e bardha të rrugës. Mësohet se ngjarja ka ndodhur në lagjen “Çelepias”. Sipas informacioneve, i moshuari është transportuar në spital dhe është në gjendje kritike për jetën.
Në vendngjarje kanë mbërritur efektivë e policisë, që po kryejnë edhe këqyrjen e vendit të aksidentit. Ndërkohë, drejtuesi i mjetit “Volswagen Passat” është shoqëruar në ambientet e Komisariatit të Policisë Berat.