Së fundmi është zbuluar partnerja e re e Bill Murray. Sipas US Sun, këngëtarja, Kelis është në lidhje me aktorin e “Ghostbusters”, 72 vjeç.
Dyshja ndezën thashethemet për romancë pasi Murray pa këngëtaren “Bossy” të performonte në një shfaqje të fundit në festivalin Mighty Hoopla në Londrën e Jugut fundjavën e kaluar. Ai gjithashtu u pa duke e mbështetur atë në disa nga performancat e saj të tjera.
Burime të afërta me çiftin treguan se ata gjithashtu janë parë së bashku në të njëjtin hotel. “Ata janë takuar në Shtetet e Bashkuara më parë, duke i bërë njerëzit në industri të flasin, dhe tani po takohen në Londër ndërsa të dy janë këtu. Çfarëdo që të jetë ajo që i ka bashkuar, dhe sado e pamundur të duket, ata janë të dy beqarë dhe po argëtohen pavarësisht diferencës mjaft të madhe në moshë.”
Romanca e re e supozuar e aktorit të “Caddyshack” vjen mes akuzave serioze për sjellje të papërshtatshme gjatë xhirimit. Në prill, xhirimet e filmit “Being Mortal” u pezulluan pasi Murray u akuzua se hodhi një tavëll xhami ndaj kolegut të tij Richard Dreyfuss . Ai u akuzua gjithashtu se kishte sjellje të pahijhme me disa gra gjatë xhirimeve për filmin e Aziz Ansarit.
Murray adresoi pretendimet, duke thënë se ai bëri diçka që mendonte se ishte “qesharake”. Bëra diçka që mendoja se ishte qesharake dhe nuk u mor në këtë mënyrë,” tha aktori për CNBC në atë kohë, duke adresuar pretendimet se “sjellja e papërshtatshme” e tij e supozuar ishte ajo që bëri që prodhimi i filmit të pezullohej./Lapsi.al