Massimiliano Allegri mund të largohet nga Juventus dy vjet para skadimit të kontratës së tij për të zbarkuar në Arabinë Saudite. Por pas lajmit për takimin e planifikuar në Montekarlo mes trajnerit dhe emisarëve të klubit, ndodhi befasia. Tifozët e Al-Hilal janë revoltuar në rrjetet sociale, duke ndërkombëtarizuar në njëfarë mënyre hashtagun #Allegriout. Thirrja ishte shpesh trend mes tifozëve të Juventus gjatë vitit, por tani gjoegrafia e të pakënaqurve është zgjeruar. Në fakt, në Arabi në këto orë #جمهور_الهلال_يرفض_اليغري është bërë virale në Twitter. E përkthyer, përafërsisht do të thotë “Ne Allegrin nuk e duam”.
عندك دعم تاريخي و آخر ما وصلت له اليغري والله شي ما يستوعبه العقل !!
هذا المدرب في يوم من الأيام قال :
“اذا كنت تبحث عن المتعة فأذهب الى السيرك 🙆🏻♂️!!”طريقة لعبه دفاعية بحتة هذا والله ما يناسب الهلال ولا حتى ١٪ 😕!!#جمهور_الهلال_يرفض_اليغري .. pic.twitter.com/uRVx3akrUB
— وائل كاريُّو 🥈 (@Hfc_c19) June 10, 2023
Një protestë e vërtetë në rrjetet sociale që shënjestron lojën e cilësuar si tepër mbrojtëse të trajnerit të Juventus. “Ky trajneri dikur tha: ‘Nëse doni argëtim, shkoni në cirk’. Një mënyrë për të luajtur qartësisht në mbrojtje, nuk i shkon për shtat Al-Hilal, as 1%”, shkroi një tifoz. Ndërsa një përdorues tjetër theksoi se: “Të flasësh për Luis Enrique dhe Lopetegui dhe të marrësh atë është si të kërkosh një sulmues dhe më pas të blesh një mbrojtës”.
Lexo më tej: Ndërhyn Ronaldo, ofertë shokuese për Max Allegri: takim në Montekarlo, Juventus në pritje
“Vetëm të mendosh për këtë është një fatkeqësi dhe një përsëritje e gabimit” vuri në dukje një tjetër tifoz. Në këtë mënyrë hashtagu i lançuar nga tifozët e Juventus është bërë ndërkombëtar. Tani edhe tifozët e Al-Hilal kërkojnë #AllegriOut, edhe para se tekniku të jetë “in”.