Zbardhet dhe dokumentohet ngjarja e ndodhur ditën e shtunë ku në Unazë të Re, një shtetas nën kërcënimin e armës, vodhi një shumë të madhe parash në një pikë të këmbimit valutor.
Në kuadër të operacionit “Round” u shpall në kërkim Artan (Marius) Tafani dhe u arrestua Enio Mecaj.
Finalizohet nga Komisariati i Policisë Nr. 6 operacioni policor i koduar “Round”, identifikohet dhe shpallet në kërkim autori i dyshuar i ngjarjes, i dënuar më parë për të njëjtën veprimtari kriminale.
Vihet në pranga një shtetas i cili me veprimet e tij ka penguar zbulimin e ngjarjes, nga punonjësit e Policisë.
Sekuestrohen biçikleta dhe veshjet që autori dyshohet se i ka përdorur gjatë kryerjes së krimit, si dhe një automjet i vjedhur.