Nuk mjafton të fitosh garën me katër faza, apo më saktë me 36 javë kampionat. Për të marrë titullin kampion, duhet të bësh më shumë: të fitosh një Final 4. Që do të thotë të mundësh tre rivalët më të afërt, në një mini-kampionat. Komiteti Ekzekutiv i Federatës Shqiptare të Futbollit ka miratuar vendimin për ndryshimin e formatit të kampionatit “Abissnet Superiore”. Ndryshimi do të hyjë në fuqi, duke nisur që nga ky sezon 2023-2024.
Ndryshimi i skemës së kampionatit ka si synim për të afruar më shumë spektatorë në shkallët e stadiumeve. Një lëvizje e qartë për të promovuar më shumë kampionatin shqiptar, apo edhe për t’u dhuruar spektatorëve ndeshje me më shumë nivel kompetitiv në fundin e kampionatit. Gjithashtu, synohet që ky ndryshim të sjellë edhe më shumë të ardhura për klubet shqiptare në përfundim të sezonit.
Sipas skemës së re, kampionati “Abissnet Superiore 2023-2024” do të ketë katër faza. Në përfundim të javës së 36-të ekipet e renditura në 4 vendet e para do të përballen në një fazë play-off. Kjo fazë do të quhet “Final 4”. Ekip fitues do të shpallet skuadra që grumbullon më shumë pikë në këto tre ndeshje. Të katër ekipet e nisin “Final 4” me 0 pikё. Ndeshjet e kësaj faze do të luhen në stadiumin “Air Albania” të Tiranës sipas skemës së mëposhtme:
Java 37 Java 38 Java 39
1-4 3-1 1-2
2-3 4-2 3-4
Rregullat e klasifikimit
– Nëse dy ose më shumë ekipe kanë pikë të barabarta në fund të “Final 4”, atëherë renditja e tyre do të bazohet në klasifikimin përfundimtar të 36 javëve të kampionatit “Abissnet Superiore”.
– Ekipi fitues i play-off “Final 4” do të shpallet kampion i “Abissnet Superiore” dhe do të marrë pjesë në raundin e parë kualifikues të UEFA Champions League.
– 2 ekipet e tjera të renditura më mirë do të marrin pjesë në UEFA Conference League.
Në rastet kur ekipi fitues i Kupës së Shqipërisë është i renditur në 3 vendet e para të play-off “Final 4”, e drejta për të marrë pjesë në UEFA Conference League do t’i takojë vendit të 4-rt të renditur në play-off “Final 4”.
Sa i përket fundit të renditjes nuk ka ndryshime. Vendi i 9-të dhe i 10-të bien automatikisht në Kategorinë e Parë. Skuadra e vendit të 8-të do të zhvillojë një finale me fituesin e play-off të Kategorisë së Parë.
Komiteti Ekzekutiv ka miratuar ndryshimin e formatit të Abissnet Superiore përmes një vendimi që hyn në fuqi menjëherë. Vendimit për ndryshimin e formatit i paraprinë disa raunde diskutimesh dhe konsultash mes përfaqësuesve të FSHF-së, drejtuesve dhe presidentëve të klubeve të kampionatit elitar. U propozuan disa variante të ndryshme dhe në fund u ra dakord për formatin që u kalua për shqyrtim në Komitetin Ekzekutiv të FSHF-së.
Nuk më duket normale.Pse duhet që ekipi që ka vendin e parë dhe me një diferencë pikësh të ridiskutojë titullin. Çudira shqiptare!!
Sepse gjate kampionatit ai ekip mund te jete favorizuar nga federata ose gjyqtaret.Me kete formule tregon qe vertete e meriton kampionatin.
@Splitz
Po nëse federata dhe gjyqtarët e kan favorizuar atë ekip 36 jav, do ta ken të vështirë ta bëjn dhe 3 jav të tjera???
Kjo është gjetje tipike alla-shqiptare!!!
Do ish më mirë të ruheshin pikët në raundin final , ose ekipi kampion në rast barazimi me pike ne fund te kampionatit të shpallej me ndeshje finale( me sistem vajtje-ardhje)
Fjala qe me vjen ne mendje ne kete rast eshte: KARLLIK!
Tani qe e bene kete, do dynden turmat neper stadiume! Nuk do gjendet bythtore e lire. Madje, robt do prenotojne biletat, 3 jave perpara ndeshjes! Vari kart, republike lakrash.