Juventus po studion planin për pasuesin e Dusan Vlahovic. Në pritje të kuptojë nëse serbi do të zbrazë dollapin në Continassa, Cristiano Giuntoli heton tregun për sulmues. Drejtori i ri bardhezi kërkon të mos kapet i papërgatitur. Në detaje, sipas Tuttosport, drejtori i Juventus e ka vendosur Jonathan David në krye të listës së dëshirave. Ai do të ishte gati të ulej sërish në tryezën me Lille nga ku bleu Osimhen për Napolin. Për më tepër, marrëdhëniet me klubin francez kanë mbetur të shkëlqyera. Sidoqoftë, nuk bëhet fjalë për një operacion pa kosto, duke qenë se kartoni i kanadezit është rreth 60 milionë euro. Por sidoqoftë, operacioni do të bëhet vetëm në rast të shitjes së Vlahovic. Edhe sepse kanadezi do të paguhej më pak se Dusan. Pa llogaritur se një kompensim teknik mund të përfshihet në negociata për të ulur çmimin.
Në fakt, çdo ndërthurje e merkatos e çon Juventus në gjurmët e Jonathan Davidit. Para së gjithash, do të jetë e nevojshme të kuptohet se si do të zgjidhet çështja e Mbappe me PSG. Nëse francezi do të shitej në këtë seancë, mund të niste lëvizja vendimtare për Vlahovic. Çështja është se në Paris i kushtojnë vëmendje edhe opsionit Hojlund.
Transferimi i serbit do të lironte një vend në sulmin bardhezi dhe do të sillte para për t’u riinvestuar menjëherë në merkato. Duke filluar me Jonathan David me sa duket. Kanadezi, ish-shoku i skuadrës së Ëeah, është një profil që në Continassa pëlqehet shumë për nga performanca dhe personaliteti. Sezonin e kaluar, në 40 paraqitje mes Ligue 1 dhe Kupës së Francës, ai shënoi 26 gola dhe dha 4 asist.