Një i vdekur dhe një i plagosur në Dukagjin. Policia e shtetit konfirmoi se ka mbetur viktimë Zef Guri ndërsa djali i tij, Gjin Guri është plagosur rëndë. Ngjarja ka ndodhur në një zonë të thellë në malin e Shoshit dhe për të shkuar atje policia ka përdorur një helikopter pasi me makinë do të duheshin orë.
“Shërbimet e Policisë, së bashku me grupin hetimor, janë nisur menjëherë për në vendngjarje, por për shkak të largësisë dhe të terrenit të vështirë nuk kanë mbërritur akoma” – u tha në një njoftim të policisë. Ende është e paqartë se cilat kanë qenë rrethanat dhe autorët e krimit të rëndë.
“Në drejtim të Dukagjinit janë nisur drejtues të lartë të Policisë së Shtetit dhe të Drejtorisë Vendore të Policisë Shkodër, shërbime të Repartit Special RENEA dhe FNSh-së, ekspertë kriminalistë dhe specialistë për Hetimin e Krimeve të Rënda nga Departamenti për Policinë Kriminale në DPPSh, me qëllim zbardhjen e rrethanave të ngjarjes, identifikimin dhe kapjen e autorit/ve” – u tha në një njoftim tjetër.
Gjin dhe Zef Guri nuk janë emra të panjohur për drejtësinë. Në nëntor të vitit 2021, Gjin Gurit i është vendosur një sasi tritoli tek lokali i tij në Shosh në Dukagjin. Në vitin 2015 ai shkëmbeu zjarr me skuadrën e policisë në një operacion anti-kanabis në zonë. Në atë kohë ai qëlloi edhe me armë një helikopter të policisë që po patrullonte në zonë. Nga kjo ngjarje, ai u dënua me 7 vjet e 2 muaj burg për “Prodhim dhe mbajtje pa leje të armëve luftarake” dhe “Kanosje”. ©LAPSI.al
Po pse i lodhni policet per nje bythqir. Ai edhe i ka gjujt Policise kur lulezonte Saimir Tahiri