Pulisic në fushë, Gerry Cardinale në një skenë prestigjioze në Uashington. Milani ka bërë të flitet shumë për të në Amerikë orët e fundit. Nëse sulmuesi shënoi me një goditje të shkëlqyer nga distanca në ndeshjen miqësore, që SHBA e humbi kundër Gjermanisë, pronari kuqezi padyshim bëri diçka më shumë. Të paktën në një nivel imazhi. Saktësisht, ai siguroi çmimin prestigjioz Niaf ‘Leonardo da Vinci’ për financat dhe më pas bërtiti me krenari një “Forca Milan” para Joe Biden, presidentit të Shteteve të Bashkuara të Amerikës.
PRAPASKENA ME REDBIRD
Me pak fjalë, ishte një shfaqje e vërtetë kuqezi në territorin amerikan. Gerry Cardinale, sipërmarrësi italo-amerikan (origjina nga Abruzzo, Siçili dhe zona përreth Napolit), tregoi publikisht, edhe një herë, të gjithë lidhjen e tij me klubin milanez. Madje ai znuloi edhe një prapaskenë interesant: “Të zotërosh një nga markat më historike në të gjithë futbollin evropian është një privilegj dhe një përvojë unike – ishin fjalët e tij -. Disa ditë para se të fitonim titullin, kishim rënë dakord për kushtet për blerjen e Milan nga RedBird. Por e mbajtëm pezull njoftimin e marrëveshjes deri pas ndeshjes, për të mos shpërqendruar skuadrën apo tifozët. Por ndërsa qëndroja aty në Piazza del Duomo mes tifozëve euforikë të Milan, u ndjeva i transportuar pas në kohë, 40 vjet më parë. E në të njëjtën kohë ndjeva që në një farë mënyre kjo ishte shtëpia ime”.
CITIMI I IBRAHIMOVIC
Fjalë të veçanta të artikuluara pikërisht para Joe Biden, presidentit të SHBA-së, të cilave i shtoi një citim të ‘marrë’ nga Zlatan Ibrahimovic: “Është një thënie e vjetër që je po aq i mirë sa njerëzit rreth teje ose siç tha së fundmi Ibrahimovic, ‘individi vjen me kolektivin, dhe nëse kolektivi bën mirë, atëherë individi do të bëjë mirë’”. E gjithë kjo kur RedBird, pronari i Milan, është gati të festojë dhjetëvjetorin e tij, duke pasur parasysh themelimin e tij në 2014.