Dy persona kanë rënë në prangat e policisë së Tiranës për drogë. Të arrestuarit, 22 dhe 37 vjeç, siguronin lëndë të dyshuar narkotike kanabis dhe më pas e shpërndanin në Vorë dhe Kamëz.
Këta shtetas u lokalizuan nga policia në parkingun e një kompleksi në Vorë, të cilëve gjatë kontrollit fizik, iu gjetën dhe sekuestruan 1.5 kg lëndë narkotike e llojit kanabis. Materialet proceduale i kaluan Prokurorisë Tiranë, për veprime të mëtejshme.