Channing Tatum dhe Zoë Kravitz janë fejuar pas dy vitesh lidhje, raportoi People.
Burime të shumta konfirmuan për revistën se aktori i “Magic Mike ” i propozoi së fundmi aktores.
Lajmi vjen disa muaj pasi Tatum zbuloi se nuk e kishte idenë nëse do të martohej përsëri pas divorcit të tij me ish-bashkëshorten Jenna Dewan.
Dewan dhe Tatum u takuan në xhirimet e “Step Up” përpara se të martoheshin në vitin 2009. Ata u ndanë 10 vjet më vonë dhe aktualisht janë bashkëprindër të vajzës 10-vjeçare Everly.
“Unë nuk e di nëse do të martohem përsëri”, pranoi ai në Vanity Fair në janar. “Marrëdhëniet janë të vështira për mua. Edhe pse jam pak monogamist. Në biznes, nuk kam frikë nëse diçka shkatërrohet.”
Ai vazhdoi: “Por gjërat e zemrës, kur bëhet fjalë për njerëzit që dua, e kam shumë të vështirë. Përfundoj duke u përpjekur shumë, e dini?”
Kravitz, gjithashtu u pyet nëse do lidhte kurorë përsëri pas martesës së saj jetëshkurtër me Karl Glusman. Të dy u martuan në qershor 2019 dhe u divorcuan në dhjetor të vitit të ardhshëm.
Në një intervistë me GQ në nëntor 2022, aktorja shpjegoi se ajo ndihet sikur “duhet të dojë” martesën dhe fëmijët, por në fund “është një pyetje e pakëndshme, veçanërisht për një grua që t’i bëjë vetes”./Lapsi.al