Kapiteni i Egnatias, Rafael Dwamena, ka humbur tragjikisht jetën pas një kolapsi që pësoi në sfidën me Partizanit. Për këtë arsye, FSHF ka vendosur që të anulojë të gjitha ndeshjet e tjera të kampionatit. Një vendim i pritshëm duke parë ngjarjen tragjike në Rrogozhinë.
Lexo më tej: Video/ Dwamena nuk ia del: ndahet nga jeta në spital sulmuesi 28 vjeçar
Komunikatë zyrtare e Federatës Shqiptare të Futbollit
Federata Shqiptare e Futbollit shpreh tronditjen e thellë për tragjedinë e ndodhur sot gjatë ndeshjes së javës së 13-të të “Abissnet Superiore”, Egnatia-Partizani.
Futbollisti Raphael Dwamena ka humbur ndjenjat gjatë ndeshjes dhe pas ndërhyrjes së parë të mjekëve në fushën e lojës është transportuar me ambulancë për në spital.
Pavarësisht ndërhyrjes së menjëhershme të mjekëve specialistë dhe të gjitha përpjekjeve të mëpasshme për ta rikthyer në jetë, futbollisti për fat të keq ka ndërruar jetë.
FSHF i shpreh ngushëllimet më të thella familjes Dwamena dhe klubit të Egnatias për këtë humbje të madhe dhe ngjarje që ka shokuar të gjithë komunitetin e futbollit shqiptar.
Federata e Futbollit bën me dije se të gjitha ndeshjet e programuara për këtë fundjavë në të gjitha kampionatet e futbollit në Shqipëri do të shtyhen në një moment të dytë.