Ish-drejtori i Policisë së Tiranës, Erzen Breçani është shoqëruar në policinë e kryeqytetit mbrëmjen e kësaj të hëne bashkë me 11 persona te tjerë. Zyrtarisht ende nuk dihen arsyet e shoqërimit në polici, ndërsa raportohet se operacioni është në zhvillim e sipër në bashkëpunim me Prokurorinë e Posaçme Kundër Krimit dhe Korrupsionit (SPAK).
Lapsi.al mëson nga burime të tij se në prangat e policisë, përveç Erzen Breçanit ka përfunduar edhe djali i tij i madh. Të njëjtat burime raportojnë se Breçani dhe djali i tij akuzohen për përkrahje të autorit të krimit në një ngjarje kriminale dhe pastrim parash. Sipas të njëjtave burime gjithçka është zbuluar nga zbërthimit i telefonave të enkriptuar Sky ECC.
Raportohet se akuzat për 11 te dyshuarit janë: pastrim parash, grup i strukturuar kriminal, trafik droge, sigurim kushtesh për të kryer vrasje, shpërdorim detyre dhe përkrahje e autorit të krimit. Të njëjtat burime thanë për lapsi.al se është lëshuar një urdhër arresti edhe për shefin e krimeve të Komisariatit numër 6 në Tiranë, Dedan Gjoni. Ndaj këtij të fundit janë ngritur disa akuza për vepra të rënda penale. Një prej tyre është ajo e sigurimit te kushteve për të kryer vrasje.
Gjithashtu një masë arresti është lëshuar edhe për Ervin Matën, një emër i njohur për drejtësinë edhe për përplasjen e bujshme që ka pasur me Ervis Martinajn në 2018-ën në ish-bllok ku mbeti i vrarë një nga shoqëruesit e Martinajt, Fabjan Gaxha nga ish-komandoja Merviol Bilo. ©LAPSI.al
Këlliçi shkruan se nëse do të ishte sot në Foltore Olldashi, nuk do të kishte shans që pala e Ramës të mos e dëgjonte.
Duket se ky mesazh i tij siluron Sali Berishën, i cili nuk po arrin asnjë lloj imponimi ndaj shumicës së Ramës duke mos qenë më i pari, edhe pas problemeve vetjake dhe familjare që ka aktualisht me drejtësinë.Spiuni i salihut ne polici ne kohen e tij ne mbreterin e tij