Lavezzi duke pushuar në divanin e shtëpisë, mbështetur në jastëk. Ky është imazhi i shpërndarë në rrjetet sociale nga vëllai i Pocho. Tani është e qartë se argjentinasi nuk ndodhet në një qendër rehabilitimi për të detoksikuar. Ish-sulmuesi i Napolit dhe PSG ka refuzuar shtrimin në spital në bregdetin e Rio de la Plata, në Boulogne sur Mer, pranë Buenos Aires, pavarësisht diktatit të mjekëve për të kapërcyer varësinë nga droga. “Të gjithë atyre që ishin të shqetësuar për shëndetin e vëllait tim, dua t’ju falënderoj dhe t’ju them se Pocho është mirë – shkruante Diego Lavezzi në Instagtam – Ai po shërohet nga një aksident në shtëpi”. Por misteri për gjendjen e tij mbetet.
Lexo më tej: Lavezzi shtrohet në spital ndoshta pas një rrahje në familje: versioni tjetër, ra nga shkallët
Më parë djali i Ezequiel Lavezzi, Tomas, kishte menduar t’i qetësonte të gjithë: “Për të gjithë ata që janë të shqetësuar, babai im është mirë. Mos shpikni versione se pas gjithë kësaj situate është një familje”. Në ndihmë të ish-sulmuesit ka shpejtuar të vijë Javier Zanetti. Zv/presidenti i Inter ka bërë një apel në mikrofonët e El Trece: “Duhet ta ndihmojmë, e jo ta lëmë vetëm. Të gjithë ata që po kalojnë momente të këtij dimensioni, sigurisht që kërkojnë ndihmë. Duhet t’u japim një dorë”, tha numri 2 i zikaltërve.