Manchester United kthehet nga Ferri në Parajsë, duke përmbysur në pjesën e dytë, humbjen 0-2 të 45 minutave të parë. Ten Hag i falet një Garnacho të demonizuar: dy gola e një tjetër të anulluar. Në fund vendosi Hojlund, që i dha tre pikëve Red Devils në minutën e 82′. United i afrohet tashmë zonës europiane, edhe pse City (+3) ka edhe dy ndeshje për të rikuperuar.
Dygolëshi i Garnacho dhe goli i parë i Rasmus Højlund në Premier League e bëjnë Manchester Unitedin të gëzohet, pasi mposhti Aston Villa 3-2 në Boxing Day. Pas një fillimi të ekuilibruar nën sytë e Sir Dave Brailsford, deus ex machina i Ineos plurifitues në çiklizëm dhe njeriu i besuar i atij Sir Jim Ratcliffe që bleu 25% të Red Devils, ten Hag dhe skuadra e tij u fundosën nga dy goditje të lira. Gabimi i parë është i Onana, i befasuar në trajektoren e prerë të McGinn. Portieri vlerësoi keq goditjen e lirë dhe i shtoi sezonit një tjetër gabim. Ëatkins nuk e preku topin dhe kështu golat e skocezit shkojnë në pesë. Pastaj në zhvillimet e një goditje këndi, Lenglet riktheu topin në qendër për Dendoncker, i cili shënoi nga fare pranë. Dygolësh që zgjoi United, që humbi një shans të bujshëm me Bruno Fernandes (i vetëm me Martinez) dhe goditi rrjetën e jashtme me Rashford dhe Garnacho.
Lexo më tej: Video/ Liverpool rrëmbeun kryesimin në ‘Boxing Day’: trigolëshi i Wood zbret pikiatë Newcastle
RIKTHIMI I RED DEVILS
United zbret i motivuar në pjesën e dytë dhe Garnacho shënoi menjëherë pas një asisti të Rashford. Goli megjithatë u anulua për pozicion jashtë loje. Aksioni u përsërit edhe në minutën e 58′, e këtë herë goli i argjentinasit është i rregullt. Thyhet agjërimi i Red Devils që nuk kishin shënuar për 451 minuta. Goli i barazimit vjen sërisht nga këmbët e Garnacho, që shmangu me një prekje Martinez në minutën e 70′. United shpërtheu Old Trafford në minutën e 82′ në golin e parë në Premier të Rasmus Højlund. Aston Villa humbet dhe mbetet e treta me 39 pikë, pas Liverpool (42) dhe Arsenal (40). Manchester United ngjiten në vendin e gjashtë me 31 pikë, duke kaluar West Ham (30) dhe Newcastle (29).