Lufta në Ukrainë/ OKB-ja dënon valën e sulmeve të Rusisë ndaj civilëve

I dërguari humanitar i OKB-së për Ukrainën ka dënuar “valën e tmerrshme të sulmeve të Rusisë në zonat e populluara” këtë mëngjes.

Në një deklaratë, Denise Brown thotë se sulmet “kanë lënë një rrugë shkatërrimi, vdekjeje dhe vuajtjesh njerëzore” dhe janë “një shembull tjetër i papranueshëm i realitetit të tmerrshëm” me të cilin përballet populli ukrainas.

Duke vënë në dukje se Rusia ka dëmtuar shtëpi, shkolla, spitale, një qendër tregtare, një stacion metroje dhe infrastrukturë energjetike këtë mëngjes, ajo shton se sulmet kanë vrarë dhe plagosur civilë në “pothuajse çdo rajon të vendit”.

Mesazhi i OKB-së: Tani për tani, familjet dhe shërbimet e urgjencës po përpiqen të nxjerrin njerëzit nga mbeturinat e lëna nga shkatërrimi. Për popullin ukrainas, ky është një shembull tjetër i papranueshëm i realitetit të tmerrshëm me të cilin po përballen dhe që e bëri vitin 2023 një vit tjetër vuajtjesh të mëdha”.