Një trup i pajetë është gjetur mëngjesin e sotëm në lagjen “Uji i Ftohtë” në Vlorë. Sipas informacioneve trupi i përket një gruaje. Ajo dyshohet se është mbytur aksidentalisht në det. Policia dyshon se trupi kishte qëndruar dy ditë në ujë.
Njoftimi i policisë:
Sot, në lagjen “Uji i Ftohtë”, dyshohet se është mbytur aksidentalisht në det, një shtetase ende e paidentifikuar.
Grupi hetimor po punon për sqarimin e plotë të rrethanave të ngjarjes dhe për identifikimin e shtetases që ka humbur jetën.