Agjentet e Byrosë Kombëtare të Hetimit po marrin në pyetje personat nën hetim për vjedhjen në koncensionin e Sterilizimit. Sot po merren në pyetje në ambientet e SPAK Ilir Rrapaj dhe Klodian Rrjepaj.
Aktualisht në burg po pyetet Klodian Rjepaj.
Kujtojmë se për sterilizimin janë nën masën e arrestit me burg Rjepaj e Rrapaj, dy persona të tjerë janë nën masën e sigurisë “Arrest shtëpie” dhe 4 të tjerë nën masën “Detyrim paraqitje”.
Prokurori i Ramës vjen vërdallë nga halli se çfarë akuze do ngrejë.
Hetimi i këtyre që janë në burg, emailet, udhëtimet, injorimi që Beqja i bëri shkresës së Manastirliut për qendrën e sterilizimit në QSUT e plot të tjera, e tregojnë qartë që e gjithë afera është e paramenduar dhe e paracaktuar në çdo hollësi, si dhe sa miliarda do zhvateshin, si do ndaheshin, si do bëheshin letrat etj.
Pra faktet çojnë te akuza për grup të strukturuar kriminal dhe jo akuza qesharake për mashtrim apo shpërdorim detyre.
Por po u ngrit akuza për grup kriminal i bie të hetohen me imtësi se ku kanë shkuar paratë dhe të sekuestrohen pasuritë, Beqja do të tregojë se përfituesi kryesor ishte shoku i tij, e plot të tjera. Pra, bie Rama pastaj.