Një konflikt i çastit mes disa personash në Lezhë ka çuar në plagosjen e dy prej tyre.
Gjatë pasdites, në shëtitoren “Gjergj Fishta”, janë konfliktuar me njëri-tjetrin, për motive të dobëta, 21-vjeçari E. Gj., 29-vjeçari A. P., 21-vjeçari K. U., 54-vjeçar M. Gj., dhe 28-vjeçari P. P.
Të dëmtuar lehtë janë shtetasit M. Gj. (54 vjeç) dhe P. P. (28 vjeç), të cilët janë dërguar në Spitalin Rajonal Lezhë, për ndihmë mjekësore.
Tre personat e tjerë të përfshirë në konflikt janë shoqëruar në ambientet e Komisariatit të Policisë Lezhë.
Grupi hetimor vazhdon veprimet për sqarimin e plotë të rrethanave të konfliktit.