Dhjetëra banorë në Patos Fshat të Fierit kanë dalë në protestë ditën e sotme për infrastrukturën e rrënuar dhe shërbimet bazike që mungojnë prej vitesh.
Ata janë grumbulluar në qendër të fshatit me pankarta në duar dhe kanë thënë se rruga e amortizuar është kthyer në një problem për ta, pasi prej më shumë se dy dekadash gjendja është skandaloze.
Bëhet fjalë për një segment rrugor prej më shumë se tre kilometra, i shkatërruar pothuajse në gjithë gjatësinë e tij, duke krijuar vështirësi të mëdha në aktivitetin e përditshëm, teksa banorët kanë theksuar se amortizimi i mjeteve është një kosto e shtuar për xhepat e tyre.
Sipas banorëve, kjo rrugë nuk njeh investim që nga viti 1994, duke i penguar së tepërmi në përditshmërinë e tyre, ndërsa kanë theksuar se pavarësisht neglizhencës së investimeve, braktisja e fshatit nuk ka ndodhur.
Patosi Fshat numëron rreth 1800 banorë, të cilët vuajnë jo vetëm mungesën e infrastrukturës, por edhe një sërë shërbimesh të tjera si mungesa e kanalizimeve të ujërave të zeza, e dritave, e rrugëve për në tokat e tyre etj.
Përballë kësaj neglizhence shumëvjeçare për investime dhe premtime boshe, banorët apelojnë për ndërhyrje të shpejtë për rikonstruktimin e kësaj rruge bazike për komunitetin e tyre dhe realizimin e investimeve të munguara.
e votut ramen dhe ridhjerjen ?
hani mut tani popull kurve