Asambleja e Lega Serie A votoi pro mbajtjes së kampionatit me 20 skuadra. Vetëm katër klube – Inter, Juventus, Milan dhe Roma – shprehën mendimin e tyre në favor të formatit të ri me 18 skuadra. Sidoqoftë, me 16 vota, u ra dakord që kampionati elitar italian të mbetet me 20 ekipe. Në një shënim, Lega Serie A njoftoi se “aprovoi sot, gjatë Asamblesë së mbajtur në selinë e saj në via Rosellini, dokumentin e saj që përmban propozimet për reformën e futbollit italian. Gjatë të njëjtit takim, domosdoshmëria absolute për të ruajtur në statutin federal të drejtën e mirëkuptimit, ashtu si edhe në sistemet kryesore të futbollit evropian. Për më tepër, u konfirmua formati aktual i kampionatit me 20 ekipe në Serie A”.
Lexo më tej: Italia kthehet me 18 skuadra: plani i FIGC mbështetet nga Juve, Inter e Milan, kundërshton gjithë Serie A
Inter, Juventus dhe Milan ditët e fundit i ishin drejtuar direkt presidentit të FIGC-së Gabriele Gravina për të nxitur uljen e numrit të skuadrave. “Inter, Milan dhe Juventus nuk e respektuan Lega-n, me atë takim të vetëm në FIGC. U duk si një Superleghina me 3 anëtarë – ishte komenti i ashpër nga presidenti i Torinos Urbano Cairo -. Dorëheqja e Marotta? Absolutisht jo. Përçarje me skuadrat e mëdha? Jo, por koha e atij samiti me 3 anëtarë ishte krejtësisht e gabuar, qëndrimi i tyre ishte i gabuar. Asamblea sot konfirmoi me një shumicë dërrmuese dëshirën për të ruajtur formatin me 20 ekipe, edhe pse nëse shikon kampionatet më të rëndësishme në Evropë, atë anglez e atë spanjoll, kanë 20 ekipe. Do të thotë se ky është formati që funksionon”.