Një sherr degradoi në përplasje me armë zjarri mes dy fqinjëve, pasditen e kësaj të shtune në Tiranë. Ngjarja ndodhi rreth orës 17:35, në rrugën e Elbasanit. Nga të shtënat e regjistruara mbeti i plagosur në këmbë dhe kokë Xhevahir Kalavari. Menjëherë pas ngjarjes ka mbërritur policia e cila ka bërë identifikim e autorit, Amarildo Kamberi i cili është shpallur në kërkim.
47-vjeçari është dërguar në spital ku ka marrë ndihmë mjekësore. Policia po vijojnë krehjen e zonës për kapjen e autorit të dyshuar ndërsa grupi hetimor po punon për sqarimin e rrethanave të ngjarjes.