Presidenti serb Aleksandër Vuçiq, ka reaguar pas publikimit të një fotoje ku shihen nën shoqërinë e njëri – tjetrit ambasadori i Serbisë në SHBA, Marko Gjuriq dhe organizatori i sulmit terrorist në Banjskë, Milan Radoiçiç. Në një deklaratë për mediat, Vuçiç ka thënë se nuk e ka pyetur ende Gjuriçin se kur është bërë ajo fotografi.
“S’e kam pyetur atë se kur, ku dhe pse. Nuk e kam pyetur, qoftë edhe nëse ai ka shkuar në tavolinë për ta takuar Radoiçiçin për t’u ulur për një minutë apo dy, apo aty ka shkuar bashkë të”, – ka thënë Vuçiç. Më tej ai është shprehur se ata që po kritikojnë Marko Gjuriç, “shkojnë te varri i Adem Jasharit, i cili vrau ushtarë dhe policë të ligjshëm serbë”.
“Tani ata po e sulmojnë Markon jam duke i shikuar të gjithë sinjalizuesit dhe spiunët, se si po shkojnë për të raportuar te dikush diçka. Imagjinojeni ai e paska takuar ‘djallin’. Dhe, lavdëroni ata që shkojnë te varri i Adem Jasharit, i cili vrau ushtarë dhe policë të ligjshëm serbë. Dhe pastaj shkruani se si BIA paralizoi një kriminel. Gjithçka është kthyer përmbys në këtë vend”, – ka thënë Vuçiç.
Duket se Vuçiç u refererohet akuzave të politikanti serb, Nikola Sanduloviç i cili u dhuna nga BIA pas homazheve në varrin e Adem Jasharit. Në një deklaratë në rrjetin social “X”, Sanduloviç pyet zyrtarët evropianë dhe ambasadorin e SHBA-së në Serbi, Christopher Hill se a është Gjuriç ende ambasadori më i mirë i Serbisë.
“A mundeni ju, Miroslav Lajçak, Josep Borrell, Richard Grenell e Gabriel Escobar të përshkruani këtë foto? A keni thënë ju ambasador Hill se Serbia kurrë nuk ka pasur ambasador më të mirë në SHBA sesa Marko Gjuriçin. Ambasadori serb në SHBA, Gjuriç, që pritet të bëhet kryeministër i ardhshëm i Serbisë, është parë duke darkuar me të kërkuarin nga Interpoli dhe ta sanksionuarin nga SHBA-ja, Milan Radojiçiç, një bashkëpunëtor i ngushtë i presidentit të Serbisë, Aleksandër Vuçiç, i cili ishte prapa sulmit në Banjskë ku mbeti i vrarë një polic i Kosovës”, – shkruan Sanduloviç.
Politikani serb shton se pret të shohë se cili do të jetë reagimi i SHBA-së dhe BE-së ndaj kësaj dëshmie të qartë të lidhjes mes një krimineli të kërkuar nga Interpoli e një terroristi si Radojiçiç, me elitën e qeverisë serbe. Në foton e publikuar Gjuriç dhe Radoiçiç janë ulur vetëm në një tavolinë në një restorant. Nuk dihet se kur ka ndodhur ky takim i ambasadorit serb në SHBA dhe Radoiçiçit, i cili është nën sanksionet amerikane për korrupsion dhe për të cilin është lëshuar fletarresti i Interpolit. ©LAPSI.al