Kryeministri i Kosovës, Albin Kurti ka reaguar pas takimit me emisarin e SHBA-së Gabriel Escobar. Në profilin e tij në ”X”, Kurti thotë se Escobarin e ka falënderuar për mbështetjen e SHBA-së dhe ka kërkuar që Serbia të bëhet përgjegjëse për sulmin në Banjskë. Gjithashtu Kurti shkruan se diplomatin amerikan e ka informuar edhe për hapat e ndërmarrë në mbështetjen e tranzicionit nga dinari në euro.
“Kënaqësi të takohem me Gabriel Escobar. E falënderova për mbështetjen e Amerikës dhe theksova nevojën për ta mbajtur përgjegjëse Serbinë për sulmin në Banjskë. Gjithashtu e informova atë për hapat që ka ndërmarrë qeveria jonë për të mbështetur tranzicionin e rregullores së Bankës Qendrire dhe gatishmërinë tonë për të adresuar çështjet në agjendë ”, shkruan Kurti.
Great to meet w/ @StateDept DAS Escobar. Thanked him for 🇺🇲's support and stressed the need to hold Serbia accountable for the Banjska attack. Also informed him of steps our govt has taken to support the transition of @centralbank_ks reg & our readiness to address ongoing issues. pic.twitter.com/hjUsIgJZQF
— Albin Kurti (@albinkurti) March 14, 2024
Ndërsa Escobar është shprehur se Kurti e ka marrë parasysh shqetësimin amerikan për efektin e ndalimit të dinarit tek serbët lokalë dhe ka premtuar që do t’i marrë parasysh disa prej propozimeve që Escobar i ka bërë në takim.
“Patëm një diskutim shumë të mirë dhe e kam bërë shumë të qartë që askush s’ka nevojë të dëgjojë histori të njerëzve që preken më së shumti nga ky vendim. Sigurisht që ne prekemi nga historitë e njerëzve dhe ndikimin që ka pasur ky vendim në ta. Kryeministri ka marrë parasysh dhe premtuar që do t’i marrë parasysh disa prej propozimeve që i kam bërë sot”, – ka thënë Escobar pas takimit me Kurtin.
Ditët e fundit ka pasur deklarata të forta nga escobar për Kurtin dhe mënyrën e sjelljes së qeverisë së Kosovës. Për më shumë lexoni lajmet më poshtë, por deklaratat pas takimit japin sinjale bashkëpunimi. ©LAPSI.al