Marco Materazzi rrëfen për veten në një intervistë për Times dhe i rikthehet natës së finales së Berlinit kundër Francës dhe goditjes me kokë që mori nga Zidane: “Nuk më pëlqen. Nuk më bën drejtësi me atë që ka qenë karriera ime. Ai episod nuk duhet të kishte ndodhur kurrë. Në tensionin e asaj finale të Berlinit, mes grindjeve dhe ofendimeve, Zidane më provokoi duke më ofruar fanellën e tij dhe unë thashë jo, se preferoja motrën e tij. Më pas ai u kthye dhe reagoi siç e kujtojnë të gjithë. Nuk u takova më kurrë me Zinedine”.
Protagonisti i ndeshjeve miqësore të organizuara me ish-shokët e tij të Inter, Materazzi kujtoi edhe vitet e tij në fushë me fanellën e zikaltërve: “Të ndash sërish fushën me njerëz si Julio Cesar, Maicon, Zanetti, Lucio, Sneijder, Cambiasso, Figo apo Diego Milito është një përzierje lumturie dhe nostalgjie. Ajo që më mungon më shumë është dhoma e zhveshjes. Ajo ndjesi e të pasurit një familje jashtë tëndes, njerëz me të cilët jeton çdo ditë dhe me të cilët ndan gjithçka”.
Trajneri i atij ekipi fitues të Tripletës ishte José Mourinho: “Trajneri më i mirë që kam pasur. Isha mësuar të isha i rëndësishëm, të isha kapiten, por me Mourinhon fillova të humbas rëndësinë. Por ai ishte i sinqertë me mua që nga momenti i parë”.
Nga finalja e Berlinit në atë të Madridit: “Kemi qarë. E pyeta pse po largohej, pse më la vetëm? Isha i bindur se me Mourinhon mund të vazhdonim të fitonim, ndoshta jo një tjetër Champions League, por tituj të tjerë. Por ai kishte vendosur tashmë të largohej për te Real Madrid”.
Tipik zhabar çinkël maxhup italian ti o idiot s’vlen as sa thoji i vogël i legjendës Zidan