Menjëherë sapo Prokuroria njoftoi se kishte marrë në gjykatë një masë “arresti shtëpiak” për Drejtorin e Departamentit të Teknologjisë së Informacionit në Drejtorinë e Përgjithshme të Policisë së Shtetit, Ervin Muça ka reaguar kreu i uniformave blu. Në një njoftim thuhet se Muhamet Rrumbullaku ka urdhëruar Drejtorinë e Standardeve Profesionale të pezullojë menjëherë nga detyra Ervin Muçën.
Më herët edhe Agjencia e Mbikëqyrjes Policore njoftoi se ka ekzekutuar urdhrin e Prokurorisë për zbatimin e Gjykatës së Shkallës së Parë të Juridiksionit të Përgjithshëm Tiranë, e cila ka vendosur masat e sigurisë “Arrest në shtëpi” dhe “Pezullimi i ushtrimit të një detyre a shërbimi publik”, për Ervin Muçën. Ai është i dyshuar për kryerjen e veprës penale “Hyrje e paautorizuar kompjuterike”.
“Nga veprimet procedurale të kryera nën drejtimin e Prokurorisë, rezulton se ka dyshime të arsyeshme, se në bazën e të dhënave të Policisë së Shtetit (TIMS) është ndërhyrë në mënyrë të paautorizuar nga Drejtori i Departamentit të Teknologjisë Informacionit dhe shtetas të tjerë. Hetimet vijojnë për sqarimin e plotë të rrethanave të ngjarjes” – thuhet në njoftim. ©LAPSI.al
Ça fytyre, tamam ushtar rilindje sufllaqexhi😀
Nuk urdheron dot ai pezullimin. Te pakten sipas ligjit. “Lajm” propagande.
Tipik surrat patronazhisti. Konglomerat skuthi, fuksi, fshatunari dhe pakez LGBT.