Drejtori i Përgjithshëm i Policisë së Shtetit, Muhamet Rrumbullaku duket se do të jetë “koka e turkut” për skandalin e kopjimit të të dhënave të sistemit TIMS nga Ervin Muça, ish-drejtori i arrestuar me urdhër të prokurorisë së Tiranës.
Më herët, Muça është marrë në mbrojtje si nga kryeministri Edi Rama, ashtu edhe ministri i Brendshëm, Taulant Balla, por ish-ministri i Brendshëm që e emëroi Muçën në detyrë, Bledi Çuçi thotë se propozimi i erdhi nga Drejtori i Përgjithshëm i Policisë së Shtetit, Muhamet Rrumbullaku.
“Unë kam qenë Ministër kur Drejtori i Përgjithshëm e ka propozuar për të drejtuar departamentin në polici, si një përgjigje për të rritur kapacitetet dhe terreni që ne shohim, merren më të mirët.
Në dijeninë time dhe në relacionin shoqërues, i plotësonte të gjitha kriteret dhe ishte një rekrutim normal”, tha Çuçi duke e lëshuar skandalin në prehrin e Muhamet Rrumbullakut.
Pak ditë më parë, kur u pyet nga gazetarët se përse propozoi Ervin Muçën në detyrën e Drejtorit të Teknologjisë dhe Informacionit, kur ai nuk kishte certifikatën e sigurisë, Muhamet Rrumbullaku u shpreh se Muça i plotësonte të gjitha kriteret. Në fakt ky pohim i drejtorit të përgjithshëm të policisë rezultoi një gënjeshtër.
Çudi si mund të gënjejë një funksionar i policisë apo një ministër i PS … Nuk ndodh!
Tani erdhi momenti t’ja fusni njëri tjetrit.
Koken eka pak kuboide…… ose trapezoide te crregullt me mire…..
Mbiemrin duket qe e ka te trasheguar…….
Gjynah, ku do gjehet nje me kar se rrumbullak katrori?