Emmanuel Macron ka dalë hapur: Franca ka një plan B për ceremoninë e hapjes së Lojërave Olimpike në rast të rreziqeve të tepërta të sigurisë. Këtë e bëri të ditur vetë presidenti francez, i cili zbuloi se si parada do të kufizohej në Trocadéro apo Stade de France. Parada e planifikuar tani për tani është përgjatë lumit Senë, në atë që do të ishte e para absolute, pra një ceremoni olimpike jashtë një impianti. “Ne do të kemi mjete të informacionit dhe shërbimeve të inteligjencës të mobilizuara totalisht – siguroi Macron -. Do të vendosim një perimetër të tërë sigurie rreth ceremonisë nga ditët, madje edhe javët e mëparshme” dhe “forcat e policisë do të mobilizohen në një nivel të jashtëzakonshëm”.
Rreth 10,500 atletë, mes tyre edhe ata shqiptarë, pritet të parakalojnë në zemër të kryeqytetit francez në bordin e varkave në lumin Senë përgjatë një rruge prej 6 kilometrash në ditën që do të nisin Lojërat Olimpike. Olimpiada e Parisit është e planifikuar nga 26 korriku deri më 11 gusht.
Lexo më tej: Gjermania në alarm, pas Champions ISIS-K kërcënon edhe Euro 2024: “Thirrja e fundit”
Fillimisht organizatorët kishin planifikuar një ceremoni madhështore hapjeje për rreth 600 mijë njerëz, shumica e të cilëve do të mund ta ndiqnin lirisht nga brigjet e lumit, por problemet logjistike dhe të sigurisë bënë që qeveria të zvogëlojë gradualisht ambiciet e saj. Në muajt e fundit numri i përgjithshëm i spektatorëve është përgjysmuar. Qeveria franceze ka vendosur gjithashtu që turistët të mos kenë akses falas në ceremoninë e hapjes për arsye sigurie. Aksesi do të bëhet vetëm me ftesë.
French President Emmanuel Macron visits Paris' Grand Palais, which will host Olympic events, to mark 100 days before the opening of the 2024 Paris Games.#GrandPalais #Paris2024 #Olympics #EmmanuelMacron #Paris #France #live #Reuters #sports #news https://t.co/HvGHcli8t3
— Reuters (@Reuters) April 15, 2024