Një hije e re ngacmimi seksual bie mbi futbollin e femrave. Episodi i fundit vjen nga Brazili dhe ka të bëjë me Santos. Trajneri i ekipit të parë Kleiton Lima ka dhënë dorëheqjen orët e fundit, pas një proteste të fortë të lojtareve kundërshtare. Trajneri u pezullua nga klubi shtatorin e kaluar pasi shtypi vendas publikoi letra anonime të shkruara nga 19 lojtare, të cilat e akuzuan se kishin pësuar ngacmime seksuale nga Lima. Santos e kishte larguar përkohësisht nga detyra për të kryer një hetim të brendshëm, i cili megjithatë nuk dha asnjë konstatim. Kështu trajneri u rikthye në stol në fillim të prillit.
REVOLTA
Megjithatë, të premten e kaluar, para ndeshjes së kampionatit kundër Santos, lojtaret e Corinthians protestuan kundër pranisë së teknikut Lima dhe mbuluan gojën dhe veshët gjatë luajtjes së himnit brazilian. Kështu, trajneri vendosi të jepte dorëheqjen. “Për të ruajtur familjen, integritetin dhe vetë kompaninë, Lima ka kërkuar të ndërpresë marrëdhënien me Santos. Edhe pse është i bindur se nuk ka kryer asnjë nga veprimet për të cilat akuzohet, Lima e ka kuptuar se dorëheqja është zgjidhja më e mirë për të gjitha palët e përfshira”, thuhet në njoftimin e klubit.
Lexo më tej: Video/ Dramë kombëtare në Brazil, ish-klubi i Pelé Santos rrëzohet në B: lot e përplasje të dhunshme pas disfatës
Santos zbuloi gjithashtu se Lima ka marrë kërcënime me vdekje dhe se çështja është mbyllur për ta. Ai do të zëvendësohet nga Wesly Otoni si trajner i përkohshëm.
OFFICIAL: Santos Women's manager Kleiton Lima has stepped down, the club confirms.
The move comes after Women's Brazilian top flight players protested his return to the club after he was accused of bullying and sexual harassment by 19 players. pic.twitter.com/dTvYI47RVk
— Attacking Third (@AttackingThird) April 15, 2024