Kohë e vështirë për Barcelonën, që mbetet gjithashtu edhe jashtë Botërorit të FIFA-s për klube, të planifikuar për verën e vitit 2025 në SHBA. Për Spanjën, përveç Real Madrid, kualifikohet edhe Atletico Madrid. Sipas përllogaritjes së pikëve për klasifikimin hyrës, Barcelona duhej të ishte kualifikuar në finalen e Champions League të këtij viti dhe të shpresonte që Colchoneros të dilnin jashtë ndaj Borussia Dortmund. Me eliminimin e të dyja skuadrave në çerekfinale, renditja mbetet e pandryshuar dhe avantazhi i skuadrës së Simeone ndaj Barcelona nuk mund të rikuperohet më.
Lista e skuadrave evropiane që do të marrin pjesë në turneun e ri është pra pothuajse e plotë. Vendi i fundit i disponueshëm do të jetë një garë mes Arsenal dhe Salzburg. Gunners janë përpara austriakëve në renditje, por kjo nuk llogaritet sepse Anglia ka kualifikuar tashmë Chelsea dhe Manchester City si fitues të Champions League në 2021 dhe 2024 dhe për këtë arsye Arsenal mund të kualifikohet vetëm nëse fiton Champions këtë vit. Përndryshe, duke pasur parasysh se skuadrat e tjera në Champions League tashmë janë kualifikuar, Salzburg do të jetë ai që buzëqesh.
Lexo më tej: Barcelona jashtë Champions, Xavi i tërbuar: “I kuqi për Araujo? Arbitri shkëtarroi punën e një sezoni”
SKUADRAT E KUALIFIKUARA
Direkt: Manchester City – Chelsea – Real Madrid
Me renditje: Bayern Munich – Borussia Dortmund – Inter – PSG – Porto – Benfica – Juventus – Atletico Madrid – Salzburg/Arsenal
✅🇪🇸 Atlético Madrid will play at the 2025 Club World Cup!
❌🇪🇸 Barcelona will NOT play at the 2025 Club World Cup! pic.twitter.com/srHw63bIRT
— Football Rankings (@FootRankings) April 16, 2024