Një i ri është gjetur i pajetë mëngjesin e sotme në një autostradë në Metz, raportojnë mediat franceze.
Sipas mediave franceze viktima është një azilkërkues 26-vjeçar shqiptar.
Raportohet se i riu ka vdekur nga një aksident, që ndodhi në autostradën që lidh Metz-in me Borny-n, në urën “Vignoble”.
Dy makina raportohet se kanë përplasur të riun, vdekja e të cilit mbetet ende e dyshimtë.
Nuk dihet nëse ka humbur jetën në një aksident rrugor, apo ka rënë nga ura para se të përplasej nga automjetet. Të gjitha pistat janë nën verifikimin e hetuesve.