Ish pjesëtari i bandës “One Direction”, Liam Payne dhe ylli i Disney Bella Thorne janë bashkuar për të sjellë projektin më të ri të këngëtarit, i quajtur “Bedroom Floor.” Bella luan rolin e një vajze viktimë, e cila tradhëtohet nga i dashuri, ndërsa Liam i jep zë ndjenjave të saj. Javën e kaluar Liam zbuloi në Twitter mesazhin e këngës që pritej të publikohej të hënën, duke shkruar-“Në këtë këngë unë shpreh gjithçka që një vajzë mendon kur lidhja e saj është në rrezik dhe ajo kupton që nuk mund të vazhdojë më kështu. Megjithatë më pëlqen fakti që këtë rradhë fuqizohet figura e femrës, sepse nuk ndodh shpesh të shihet ky këndvështrim.” Përsa i përket këngës, ajo renditet në vendin e njëzetenjëtë “on trending” në kanalin e Vevo në “YouTube” si dhe numëron rreth 1,4 milion shikime.