Një trup i pajetë u gjet mëngjesin e sotëm nga banorët e fshatit Lajthizë, në Fushë-Arrëz.
Banorët njoftuan menjëherë policinë, e cila njofton se pasi kreu verifikimet, dyshon se personi i pajetë është Idriz Ahmetauj.
Ky i fundit ka punuar më parë në një firmë të mirëmbajtjes së rrugëve. Idriz Ahmetauj ishte shpallur i humbur 3 muaj më parë, pasi ishte larguar nga shtëpia pa lënë asnjë gjurmë.
Policia njofton se ka nisur hetimet për zbardhjen e plotë të ngjarjes.