Më 6 mars të këtij viti në profilin e saj në Facebook, Nazia Ahamout kishte postuar një foto të mjetit që vetëm një muaj më pas do i merrte jetën. Suzuki me targë, IHZ 1755 mësohet se është blerë një muaj më parë nga Nazia dhe i fejuari i saj shqiptar, të mbetur viktimë të aksidentit të rëndë të mëngjesit të sotëm.
32-vjeçari Fisnik Ismailaj, e fejuara e tij 34-vjeç dhe kushëriri Agustin Murataj 30 vjeç direkt pas dasmës në familje, që zgjati deri në orët e para të ditës së sotme, morën rrugën nga Fieri drejt fshatit Kutë të Mallakastrës, ku edhe jetonte familja Murataj, por kthimi nga dasma për në shtëpi rezultoi fatal për të tre.
Fisnkik Murataj dhe Naza Aham, nga Rodezi, një qytet i vogël në jug të Francës ishin të fejuar dhe bashkëjetonin në Greqi. Ata udhëtuan drejt vendlindjes së Fisnikut për t’ju bashkuar gëzimit të familjes, ndërsa bashkë me Agustin Murataj, i cili qendronte ne sediljen e pasme të mjetit, po ktheheshin për të pushuar pas dasmës dhe me pas me shumë gjasa do të ktheheshin në Greqi, ku jetonin dhe punonin.
Paraprakisht dyshohet se mjeti ka dalë jashtë rruge si pasojë e shpejtësisë së lartë, megjithatë po hetohet për të zbuluar detaje të tjera për rrethanat.
Eshte franco arabe e gjora!
Superlajm! Jeni profesioniste.