Arbër Çekaj, njeriu që porositi kontenierin ku ishin fshehur 613 kilogramë kokainë nga Kolumbia u arrestua në një provincë të Dyseldorfit në Gjermani, ku i fshihej policisë. Çekaj është 38-vjeç me origjinë nga Tropoja dhe banues në Durrës, i akuzuar si një prej organizatorëve të trafikut të kokainës nga Kolumbia deri në Shqipëri.
Emri i Arbër Çekaj doli pas zbulimit të 613 kilogramëve kokainë, pasi ai rezultoi të ishte pronari i kompanisë “Arbri Garden”, që priti dhe magazinoi sasinë e drogës në rrugën dytësore ‘Maminas-Durrës. Deri tani policia kishte arrestuar dy personat që pritën këtë ngarkesë, Donaldo Lushaj nga Tropoja dhe Armando Pezaku.
Asnjë prej të dyve nuk ka pranuar se kishte dijeni për kokainën që sillte “Arbri Garden” nga vendet e Amerikës Latine, ndërsa Arbër Çekaj duke qenë njeriu që ka kryer porosinë, pritet të përgjigjet në prokurori për bashkëpuntorë të tjerë të mundshëm të trafikut të drogës.
Kapja e 613 kilogramëve kokainë në Durrës, me vlerë rreth 180 milion euro është sasia më e madhe e kokainës që u kap ndonjëherë në vendin tonë. Menjëherë pas daljes së lajmit, politika u përfshi në një debat të fortë, nëse droga u kap pas sinjalizimit nga agjensitë e huaja, apo operacioni ishte meritë vetëm e policisë dhe doganës shqiptare. Opozita akuzoi direkt kryeministrin Rama si garantin e trafikut të drogës, duke përmendur edhe vëllain e tij, Olsi Ramën. Megjithatë, deri tani në dosjen e prokurorisë nuk ka asnjë sinjal që çështja do të shkojë përtej tre të arrestuarve.
Vetë Çekaj, pasi u shpall në kërkim, tha se do të kthehej në Shqipëri për të dalë para drejtësisë. Madje ai tregoi se gjendej në Dyseldorf të Gjermanisë gjatë një lidhjeje telefonike me News24, ku nuk pranoi asnjë përgjegjësi për drogën që u gjet në kontenier.
“Kam dëgjuar politikanët shqiptarë që thonë; ky është i PD, i këtij, i atij. Jam tropojan por as armën s’di ta përdor, s’kam lidhje politike. Do zbardh te vërteten. Skam pasur kurrë probleme me autoritete gjermane, e as me ato shqiptare. Unë lëviz nga Kosova sepse bileta është më e lirë. Unë kam udhëtuar në Dyseldorf. Do kthehem nga Kosova për në Shqipëri” tha Çekaj.
38 vjeçari tha se policia duhet të kishte pritur se ku do të shkonte kontenieri për të zbuluar destinacionin e vërtetë të kokainës.
“Do arrestohem patjetër. Po bëhet shoë politik. Policia fare mirë mund ta bënte një gjë, që ta linte të shkarkoheshin paletat dhe të shihte se ku do shkonte droga. Do e shihte nëse ishte për Shqipërinë apo jo. Aty do t’i gjente trafikantët. Por ajo e dinte se s’do i gjente aty trafikantët, dhe për fat të keq kjo është Shqipëria jonë” u shpreh Çekaj.
Të dhënat e policisë për Operacionin “Last Snow”
Kokaina e sekuestruar – 613 kilogram dhe 350 gram
Vlera e kokainës – 180 milion euro
Itinerari i Kontenierit me kokainë: Kolumbi-Itali-Maltë-Shqipëri
Mbërritja e kontenierit në Durrës -19 shkurt 2018
Operacioni i policisë në Maminas- 27 shkurt 2018
Kompania porositëse “Arbri Garden” shpk, i shpallur në kërkim: Arbër Çekaj
Të arrestuar:
– Donaldo Lushaj, 25 vjeç, lindur në Tropojë dhe banues në Tiranë
– Armando Pezaku, 25 vjeç, lindur dhe banues në Durrës
porosites edvin,olsi e gregor rama.i burgosur cekaj,e ndonji i varfer qe nuk ka para as te paguaj dritat.
perfitues gramoz ruqi,mao LUU ce dun ,vllahutin e negjmija.
613 kg kokain ne evrope kishte marre burg per jetë.
tani le ta lene jeten e bukur a ash,dhe te pidhet ne burg ter jeten.
kane thane pleqet dijetar.kafshata e madhe te jete ne fyte.
kjo shokon boten ,40% e popillit te shqiperis ne trafik droge,flas per emigrimin,por edhe vendoret hiq ma rose.
100%e qeveris ne vjedhje shteti dhe kaptyr drejtesie,ku edhe prokurore ne vjedhje e trafik me drejtesin.