Është shumë e rëndësishme që në një familje marrëdhëniet të jenë shumë të mira, por jo çdo herë ndodh kështu. Ashtu si në klanin e Kardashian/Jenner motrat e vëllezërit nuk flasin me njeri-tjetrin. Ashtu ndodhi edhe këtë herë, Kendall dhe Kylie nuk kanë marrëdhënie aq të mira me vëllain e tyre, Brody Jenner, madje ata kanë kohë që nuk takohen e as nuk flasin.
Vëllai i kendall dhe Kylie Jenner, Brody Jenner është drejt kurorëzimit të lidhjes së tij me të fejuarën Kaitlynn Carter, por disa anëtarë të familjes nuk do të marrin pjesë në ceremoninë e martesës në Nihi, Sumba Island në Indonezi.
Sipas burimeve pranë familjes Jenner, të dyja motrave u ka ardhur ftesa për të marrë pjesë në dasmën e madhe, por ato nuk kanë pranuar të kthejnë një përgjigje.
Ndërkohë që pjestarët e tjerë të familjes ndodhen pranë çiftit në këtë moment kaq të rëndësishëm, nëna e tij, Linda Thompson dhe i vëllai Brandon janë aty për të shijuar çdo gjë.