Policia njofton sot se ka konstatuar dhe asgjësuar të tjera parcela të mbjella me bimë narkotike.
Rastet më të fundit, i përkasin parcelave të asgjësuara me kanabis, në Sarandë dhe Krujë.
Në Sarandë u asgjësuan 291 bimë kanabis dhe u shpall një 20-vjeçar në kërkim.
Në Krujë u asgjësuan 18 bimë narkotike.
Komisariati Policisë Sarandë
Më datë 04. 07. 2018, u referuan materialet në Prokurorinë pranë Gjykatës së Shkallës së Parë, Sarandë dhe punohet për kapjen e shtetasit A. Ç., vjeç 20, banues në fshatin Stjar, Delvinë, pasi dyshohet se në Bistricë, te “Syri i Kaltër”, u gjetën dhe u asgjësuan 291 bimë narkotike të llojit Cannabis Sativa. Punohet për kapjen e tij. Neni 284 i Kodit Penal.
Komisariati i Policisë Krujë
Më datë 04.07.2018, nga kontrolli i ushtruar në fshatin Barkanesh, Bashkia Krujë, te “Prroi i Zaharisë”, territor i pyllëzuar, u konstatuan të kultivuara dhe u asgjësuan 18 bimë narkotike të llojit Cannabis Sativa. Punohet për identifikimin e kapjen e autorit. Neni 284 i Kodit Penal.