Manchester United pavarësisht fitores në debutim në kampionat duket se po bëhet gati për ndryshime rrënjësore. Sipas asaj që bën të ditur L’Équipe, në fakt, njeriu i tre Champions radhazi, Zinedine Zidane, mund të ndërpresë menjëherë vitin e tij të pushimit, pas lamtumirës nga Real Madrid. Zizu, mund të fluturojë drejt Manchester, me United që është gati të flakë José Mourinho, gjithnjë në qendër të polemikave të pafund e në ditët e kaluara provokues në lidhje me një sesion merkato që e ka lënë të pakënaqur.
Gazeta franceze përshkruan Zinedine Zidane si një trajner në kërkim të menjëherëshëm të stimujve të rinj e një klub i rëndësishëm si Manchester United e tërheq. Zizu po e ndjek me kujdes të vecantë situatën në kampin e Djajve të Kuq, ku Mourinho është në konflikt me gjithë ambjentin, shoqërinë (shumë e kritikuar për merkaton) e skuadrën (të rëndësishme pakënaqësitë mbi të gjitha të Pogba). Sipas asaj që raporton L’Equipe, një ndryshim në pankinë është cdo ditë e më e mundshme.