Los Angeles Galaxy kthehen të fitojnë pas dy humbjeve radhazi. E bëjnë duke shkatërruar 3-0 Seattle Sounders, me golin e 18 në kampionat të Zlatan Ibrahimovic. Kampioni suedez vazhdon të befasojë tifozët e Galaxy, por vetë gjiganti ka mbetur gojë hapur përpara fillimit të ndeshjes nga një tifoze e vogël që ka kënduar himnin amerikan, në një version totalisht të sajin.
Ibrahimovic ka mbetur aq i befasuar sa e ka zgjedhur vajzën 7 vjecare në faqen e tij të rrjeteve sociale si Mvp të ndeshjes.
Një performancë rrënqethëse për Malea Emma, 7 vjecare. Me mikrofonin në duar prezantimi i vogëlushes ka ekzaltuar gjithë publikun në StubHub Center. Vendimi për të lënë tifozen e vogël të këndonte himnin erdhi pasi Emma fitoi konkursin, ndërsa performanca e saj në rrjtet sociale është kurorëzuar si një nga më të mirat e dëgjuara ndonjëherë.
MVP of the game! https://t.co/eZ2WdQsVN7
— Zlatan Ibrahimović (@Ibra_official) September 24, 2018