Gabimi i radhës i Sebastian Vettel praktikisht i dhuroi Botërorin e pestë në karrierë, por Leëis Hamilton mbron me forcë pilotin rival të Ferrari. “Mendoj se duhet të tregojnë më tepër respekt për Sebastian – shkruan në Instagram Stories anglezi – Nuk mund të imagjinoni sa e vështrië është të bësh atë që bëjmë në nivelin tonë. Jemi njerëz e për këtë ndonjëherë bëjmë edhe gabime, por ajo që ka rëndësi është si i përballojmë dhe kalojmë përtej”.
Me titullin tashmë të sigurtë (i mjaftojnë 8 pikë më shumë se Vettel në Austin), Hamilton ka dashur ti japë meritat pilotit të Ferrari që, pavarësisht gabimeve të kryera në një sezon që mund të kishte shkuar ndryshe, i komplikoi jetën britanikut për pjesën më të madhe të 2018, duke u rrëzuar vetëm në garat e fundit.
Vettel përfundoi në shënjestër të kritikave për gabimet e shumta që nuk i dhanë mundësi rikuperimi Ferrarit kunddrejt Mercedes. I pari për 2018 ndodhi në Baku kur pas rinisjes nga safety car, tentoi kalimin e Bottas në kthesën e parë, duke dalë jashtë piste e duke u kthyer në garë i katërti. Në Francë ndodhi i dyti, me përplasjen pas Bottas në nisje dhe penalizimin me 5 sekonda që e detyruan në një rikuperim nervoz për një vend të pestë. I treti në Austri me bllokimin e Sainz në kualifikuese që i kushtoi tre pozicione në start, ndërsa në Gjermani preku fundin. Në krye, vetëm pak xhiro nga fundi, Vettel doli nga pista sapo filloi shiu. Në Monza kontakti me Hamilton pas pak kthesave dhe në fund në Japoni, kontakti me Verstappen kompromentoi garën dhe i dhuroi Botërorin Hamilton.
Louis Hamilton do ta fitoj me meritë titullin e pestë si piloti më i përgatitur dhe i suksesshëm i të paktën 5-6 viteve të fundit në formula 1 dhe Vettel nuk i ka dhuruar asgjë, sepse piloti gjerman nuk e ka patur një luks të tillë, ose më mirë të themi që Hamilton nuk ja ka dhënë atë mundësi. Veçanërisht në dy vitet e fundit në përballjet me Vettel, Louis ka treguar se është jo vetëm më i matur dhe konsistent në rezultatet e tij, por edhe një REAL GENTLEMAN në mënyrën sesi ai garon në pistë për të marrë maksimumin. Tifozat e Ferrari-t është mirë të mendojnë për botërorin e 2019 ??