River Plate-Boca Juniors nuk luhet. Superklásikja është shtyrë akoma, për një datë të pacaktuar. Një vendim i hidhur, pas ferrit që shpërtheu të shtunën dhe kaosit të së dielës, me të plagosur, arrestuar e një gjendje tensioni që ka bindur drejtuesit e Conmebol të mbërrinin në një vendim drastik.
Asgjë nuk dihet për datën kur do të zhvillohet finalja e kthimit e Kupës Libertadores, edhe pse nuk është e pamundur ideja e një 3-0 në tavolinë në favor të Xeneizes.
Mbyllen kështu dy ditë dramatike me vendimin që ka kënaqur River Plate e Boca Juniors, pas paktit mes xhentilmenesh të së shtunës (të mos luhet pa kushte të barabarta), kur duhej të luhej rregullisht ndeshja në Monumental.
Presidenti Alejandro Domínguez: “Faji nuk është i Conmebol, nuk janë kushtet për të diskutuar një ndeshje në kushte të barabarta. Është një turp që për disa persona na u desh të heqim dorë nga finalja”.
Media argjentinase kanë treguar në fakt se është mundësia që të skualifikohet stadiumi Monumental, e nëse ndodh, finalja e kthimit do të luhet të Abu Dhabi në 8 dhjetor, sepse javën e ardhshme është e pamundur të luhet në Buenos Aires për shkak të G20.
VENDOSET TE MARTEN
Data e re e finales do të vendoset në Paraguay, në Asunción, në një mbledhje mes Conmebol e drejtuesve të dy klubeve të martën në 27 nëntor.
ANGELICI: PERPARA ME KERKESEN PER FITORE NE TAVOLINE
Daniel Angelici ka përsëritur arsyet e Boca Juniors për kërkesën e fitores në tavolinë, duke iu referuar mbrëmjes së 14 majit 2015, kur sulmi me spray ndaj lojtarëve të River ndërpreu ndeshjen dhe bëri që Conmebol të jepte fitoren në tavolinë 0-3 për Millionarios në Bombonera për cerekfinalen e kthimit të Copa Libertadores (jo jashtë stadiumit dhe jo një orë para ndeshjes).
D’ONOFRIO: DO TE LUAJME NE SHTEPINE TONE ME TIFOZET TANE
Rodolfo D’Onofrio ka komentuar kështu vendimin për të shtyrë Superklásiken dhe kërkesën e Boca Juniors për ndeshjen në tavolinë. Presidenti i River Plate dënoi dhunën dhe tha: “Nuk kam dyshime se ndeshja do të luhet. E gjithë kjo që kërkon Boca pas paktit të djeshëm do të ishte mungesë e fjalës së dhënë. Nuk ka dyshime që finalja do të luhet në stadiumin tonë e me tifozët tonë. Pastaj të shohimkush do të jetë kampion i Libertadores”.
Comunicado de prensa | El Club Atlético Boca Juniors realizó este domingo una presentación formal ante la Conmebol para solicitar que la final de la Copa Libertadores se juegue en condiciones de igualdad, tal como se firmó ayer en el Estadio Monumental. ? https://t.co/Ym4UTeFlxy pic.twitter.com/s2KGK86zPi
— Boca Jrs. Oficial ?? (@BocaJrsOficial) November 25, 2018