Didier Drogba i ka shprehur vlerësimet e tij Petr Cech, ish-shokë skuadre tek Chelsea, në ditën e njoftimit të largimit të tij nga futbolli: “Do të kisha nevojë për miliona fjalë për të të përshkruar, zemrën tëndë të mirë, profesionalizmin e mentalitetin fitues. Por një foto i tregon të gjitha – ka shkruar ish-sulmuesi nga Bregu i Fildishtë në një postim në instagram – Faleminderit heroi im, që i ke duart dhe zemrën e florinjtë. Priti tre penallti dhe pastaj vrapo drejt meje si të isha unë një legjendë. Cfarë karriere do të përfundojë pas pak muajsh…”.
Akoma edhe pesë muaj futboll dhe pastaj portieri cek do të varë këpucët në gozhdë. Petr Cech do të largohet nga futbolli i luajtur dhe e komunikoi vendimin e tij në rrjetet sociale: “Ky është sezoni im i 20 si lojtar profesionist. Eshtë momenti i duhur për të njoftuar se do të tërhiqem në fund të këtij sezoni”.
Cech, mbërriti tek Chelsea në 2004 e kaloi tek Arsenal në 2015, ndërsa është konsideruar një nga portierët më të mirë të gjeneratës së tij. Cech është gjithashtu lojtari me më shumë prezenca (deri tani 124) në historinë e kombëtares së Republikës Ceke. I rritur në moshat e Viktoria Plzen, në 2001-2002 ai luajti me Sparta Praga për tu transferuar më pas tek Rennes. Pas dy kampionatesh në Francë, nga korriku 2004 kaloi tek Chelsea, ku luajti për 11 vjet, duke fituar një Champions League, një Europa League, katër kampionate anglezë e katër Fa Cup. Nga 2015 mbrojti portën e Arsenal, duke fituar një tjetër Fa Cup. Cech u bë i famshëm edhe jashtë fushës së lojës, për faktin se nga 2007 luan gjithnjë me një kaskë mbrojtëse. Një vendim i marrë pas dëmtimit të rëndë të pësuar në 14 tetor 2006, kur në ndeshjen me Reading pësoi një frakturë në kafkë pas një përplasje me Stephen Hunt.