Neymar nuk ka paqe, i njëjti dëmtim si një vit më parë. Fati i keq po persekuton brazilianin që nuk heq dorë dhe ka nisur stërvitjen në palestër, për të djegur kohët e rikuperimit, e për tu kthyer sa më shpejt në fushë.
O Ney, që ka pësuar përsëri lesion në metatarsin e pestë të këmbës së djathtë, ka nisur terapinë konservative që duhet ti japë frytet brenda 10 javëve: ndërkohë Neymar vazhdon rehabilitimin në palestër jo pa dhimbje, ashtu si tregojnë imazhet e postuara nga braziliani në profilin e tij në Instagram.
Shpresa e numrit 10 është të kthehet në dispozicion për çerekfinalet e Champions League: vetëm se më parë shokët e tij duhet të kalojnë Manchester United në 1/8 dhe duhet ta bëjnë pa kampionin e tyre në fushë.