• |
ide | kryesore

FOTO/ Historia e pabesueshme e ish-modeles: nga milionere, në lypëse rrugësh

Stil

Nastasia Urbano ka qenë një ndër modelet më të njohura dhe imazh i kopertinës së revistës së njohur “Vogue”. Ajo fitonte mbi një milionë dollarë, në kulmin e karrierës së saj. Por tashmë, në moshën 57-vjeçare, në mënyrë të pabesueshme, Nastasia jeton në rrugët e Barcelonës dhe mbijeton duke lypur. Gjithçka për të ndryshoi kur u takua me bashkëshortin e saj.

“Ai nuk më la asgjë, vetëm rrobat e trupit. E vetmja gjë e mirë nga lidhja me të, ishin fëmijët. Pjesa tjetër ishte tmerr. Ai paguante për gjithçka me paratë e mia. Vetëm dy ditë pasi u njoha me të, më bëri që t’i blej një BMW si budallaqe”, – thotë ajo.

Si të mos mjaftonte kjo, Urbano tani vuan edhe nga depresioni, pasi nuk është e lehtë, që nga një yll, të përfundosh rrugëve duke lypur.

“Dua të jetoj, jo të mbijetoj. Jam lodhur duke mbijetuar dhe duke lypur. Dua që fëmijët e mi të më shohin. Dua ta marr veten dhe të jem mirë, kështu që ata të jenë krenarë për mua”, – tregon 57-vjeçarja, e cila është braktisur edhe nga fëmijët.

Urbano në moshën 20-vjeçare la Spanjën për të jetuar në Nju Jork.

“Isha në çdo revistë, më donin të gjithë. Merrja 1 milion dollarë në vit për vetëm 20 ditë punë. Drekoja e darkoja me Jack Nicholson e Andy Warhol. Merrja pjesë në festat e Melanie Griffith dhe Don Johnson. Kisha gjithçka, jetoja si një mbretëreshë”, – tregon 57-vjeçarja, që tashmë jeton vetëm me kujtime.

Image result for Nastasia Urbano Image result for Nastasia Urbano Image result for Nastasia Urbano

Lini një Përgjigje

Adresa juaj email s’do të bëhet publike.

Kthehu