Al jazeera raporton se 20 000 protestues u përpoqën të hynin në parlamentin e Shqipërisë dhe se policia u përgjigj me makina ujë-hedhëse dhe gaz lotsjellës.
Në një kronikë tre minutshe theksohet se protestuesit i bënin thirrje për dorëheqje Kryeministrit Edi Rama.
“Mbështetësit e opozitës shqiptare kanë luftuar me policinë ndërsa përpiqen të futen në parlament për t’u përballur me një qeveri të cilën e akuzojnë se është e korruptuar. Ata gjithashtu thonë se Kryeministri Edi Rama është i lidhur me krimin e organizuar, akuzat që ai hedh poshtë si “qesharake”, shkruan ndër të tjera Aljazeera përkrah videos e cila pasqyron protestën.
Gazetari John Psaropoulos i cili ka ndjekur nga afër zhvillimet më të fundit në Tiranë, ka treguar se gjatë protestës së djeshme, si pasojë e sulmeve pa kriter të policisë me gaz shumë persona përfunduan në spital për ndihmë më të specializuar mjekësore.
Në reportazhin e tij nga Tirana, gazetari i Al Jazeera shprehet ndër të tjera se mijëra të rinj shqiptarë detyrohen të lenë vendin çdo vit për të kërkuar punë në vende të tjera.
“Cila do të jetë e ardhmja e Shqipërisë? Kjo është një pyetje në mendjet e njerëzve duke parë që procesi politik po ecën në ujëra të paqarta” thuhet në kronikë.
Ky shtet pa shtet por plot me hajdut . keta jan 140 deputet qe duhen larguar. Me i keqi ka pasuri 1000000 dollar.
Hhhhaaaaa. Protestues te Mziut. Tirana do qetesi. A ka njeri ne PD te mbledhi kete qytet kunder Rames. Jo. Fare.