Merkato e futbollit është e destinuar të flasë sërisht për një cështje Pogba, sidomos pas deklaratave të francezit nga qendra e grumbullimit e Kombëtares në Clairefontaine. Paul Pogba tremb kështu tifozët e Manchester United, duke i shkelur syrin gjigantëve spanjollë. “Real Madrid është një ëndërr për të gjithë fëmijët e për të gjithë futbollistët – ka deklaruar mesfushori – sidomos me Zidane, por tani jam i lumtur në Manchester, me trajnerin e ri. Në këtë moment jam i lumtur këtu ku jam, por nuk kam si ta di cfarë më sjell e ardhmja”.
Zidane u kthye në pankinën merengue me premtimin e Perez që në verë nuk do ti kursejë investimet. Mes shumë objektivave është edhe Pogba, kontrata e të cilit me Red Devils përfundon në qershor 2021. Një operacion që do të ishte shumë më i lehtë nëse në Manchester do të kishte qendruar Mourinho, por me ardhjen e Solskjaer gjërat janë përmirësuar si në nivel personal ashtu dhe skuadre. Francezi është kthyer në nivele të larta dhe skuadra e ka ndjerë prezencën e tij, duke u kualifikuar në cerek finale të Champions League e në luftë për vendin e katërt në Premier. Por nëse Zidane do të ngrinte telefonin, atëherë për francezin do të ishte vështirë të thoshte jo.