Nuk ka qenë mbrëmja e duhur për Jan Vertonghen. Futbollisti belg, në ndeshjen e parë kundër ish-skuadrës së tij , është detyruar të lërë fushën e lojës i gjakosur dhe gati të humbiste ndjenjat, aq sa e kanë shoqëruar në dalje, anëtarë të stafit mjekësor të Tottenham. Mbrojtësi është mbajtur nga krahët, në pamundësi të dalë vetë nga fusha…
Vertonghen është përplasur në një moment loje me portierin e Ajax, në gjysëmfinalen e vajtjes së Champions League. Mbrojtësi i gjakosur ka marrë ndihmën e parë, por kur tentoi të qendronte në fushë, është ndjerë keq dhe ka kërkuar ndihmën e stafit mjekësor të anglezëve për të lënë fushën e Tottenham Stadium.