Modelja braziliane Najila Trindade Mendes de Souza fitoi vëmendje globale pasi ajo solli akuzat për përdhunim kundër sulmuesit te PSG Neymar, duke pretenduar se futbollisti e sulmoi atë në një dhomë hoteli në Paris.
26-vjeçarja tha se kishte mbetur “traumatizuar” pas incidentit në të cilin pretendon se futbollisti brazilian u bë i dhunshëm dhe agresiv para se ta detyronte atë në marrëdhënie seksuale.
Duke u shfaqur në televizionin brazilian këtë javë, Mendes de Souza detajoi sulmin e supozuar të kryer nga lojtari më i paguar në botë si dhe konfirmoi se kishte rënë dakord të fluturonte në Paris për të kaluar kohë me sulmuesin. Modelja mohoi gjithsesi se çdo seks ishte konsensual dhe këmbënguli që ajo kishte qenë viktimë e përdhunimit.
“Isha viktimë e përdhunimit,” tha Mendes de Souza. “Kam pasur dëshirën që të jem me Neymarin dhe kur kam arritur aty ishte gjithçka mirë, mesazhet, do të kisha arritur ta kuptoja? Por kur arrita atje, ai ishte agresiv, krejtësisht ndryshe nga djali që flisja në chat”.
Ajo konfirmoi se ajo e kontaktoi Neymarin me Instagram, në kërkim të fillimit të një marrëdhënieje me lojtarin. Pas shkëmbimit të mesazheve me natyrë seksuale, Neymar ftoi Mendes de Souza në Paris, duke premtuar të paguante të gjitha shpenzimet e udhëtimit.
Mendes de Souza gjithashtu pretendoi se ajo nuk pranoi të merrte pjesë në ndonjë seks pa prezervativ, por që lojtari nuk i përfillte lutjet e saj.
“Prej momentit që më mbante, duke më gjuajtur me dhunë, ai më detyronte të rrija aty, në atë vend, pa lëvizur”, shtoi ajo.
Neymar ka mohuar në mënyrë të përsëritur të gjitha akuzat, duke këmbëngulur se ai është viktimë e një shantazhi. Në një përpjekje për të provuar pafajësinë e tij, ai ndau imazhet e Mendes de Souza për të konfirmuar se marrëdhënia e tyre ishte konsensuale.
Megjithatë, kjo shkaktoi një hetim nga ndarja e krimit kompjuterik në Rio de Janeiro, pasi imazhet u vendosën pa lejen e saj.
Të enjten, video filmimet u shfaqën në mediat sociale ku shihet se Neymar u sulmua nga Mendes de Souza një ditë pas sulmit seksual të dyshuar.