Iker Casillas dëshiron të kthehet në fushë e të jetë protagonist, përsëri, si futbollist i Porto. Pas problemit shëndetësor e infarktit që kaloi në maj gjatë stërvitjes, portieri 38 vjecar dëshiron të vazhdojë karrierën e tij në fushë dhe të heqë dorë kur ta vendosë ai vetë.
Nga Portugalia, e përditshmja A Bola, konfirmon vendimin e lojtarit spanjoll. Casillas, që për momentin po punon si anëtar i stafit teknik, është resgjistruar edhe në listën e lojtarëve të klubit portugez. Sipas asaj që bëhet e ditur, portieri po stërvitet për tu kthyer në fushë, por vetëm në dhjetor shoqëria do të bëjë publike rezultatet e testeve atletike, për të kuptuar nëse portieri do të mund të luajë përsëri apo jo. Qëllimi i Casillas, si është bërë e ditur, është ta mbyllë karrierën si futbollist në momentin që do ta vendosë vetë, kështu që me shumë mundësi do të shohim një tjetër shfaqje të spanjollit mes shtyllave.